Əsli İlyasqızı: QUYUBULAQ"

Quyu bulaq, Quyu bulaq
Salamım var qucaq - qucaq.
Yada düşür ötən illər
Şirin, əziz xatirələr.

Hər tərəfin meşə, orman
Suyundur xəstəyə dərman.
Bir yanında binə qurar
Yayı qoynunda qalarlar.

Çiçəklidir çəmənləri
Heyran edir gələnləri.
Hər günün toy - büsatlıdır
Xoş arzu, xoş muradlıdır.

Bura gəlir bəy - gəlin də
And içməyə xoş günündə.
Çalın oynasın bəy - gəlin
Yallı gedək biz də gəlin!

Quyu bulaq, Quyu bulaq
Səsinə asdıqca qulaq
Su səsi, quş cəh-cəhəsi
Bir təbiət möcüzəsi.

Xatırladıqca mən hərdən
Ürəyimdə yurd salır qəm.
Gör kimlər yox aramızda
Seyrəkləşir sıramız da.

Əsli İlyasqızı,
22 dekabr 2025.

ZiM.Az

.