İŞIQLI BİR QƏLB, MAARİFLƏNMƏYƏ HƏSR OLUNMUŞ MƏNALI BİR ÖMÜR

Hər bir insanın bu həyatda öz yolu, öz fəaliyyəti var.
Bəzi insanlar isə doğularkən ətraflarına işıq saçmaq, yaşayacaqları həyatda dərin və gözəl izlər qoymaq üçün gəlirlər.

13 avqust 1995-ci ildə qədim Qarayazıda dünyaya göz açan Çiçək Hüseynova məhz belə insanlardandır.
Adı kimi zərif, amma amalları qədər məğrur və iradəli bir xanım...

Onun üçün təhsil təkcə kitab səhifələri, diplomlar və formal biliklər demək deyil.
Təhsil - bir insanın gələcəyinə yandırılan məşəl, bir qəlbin öz gücünü kəşf etməsi deməkdir.

Çiçək xanım Qardabanidə fəaliyyət göstərən Təhsil və İntaqrasiya Mərkəzinin direktorudur.
O həm də təcrübəli və fədakar bir gürcü dili müəllimidir.

Çiçək xanım gürcü dili müəllimi kimi yalnız dil öyrətmir.
O, həm də fərqli mədəniyyətlər arasında körpülər salır, gənclərin özlərinə olan inamını bərpa edir və onların qarşısında yeni üfüqlər açır.
Onun hər bir dərsi səbirlə, sevgiylə və dərin fədakarlıqla yorulmuş bir maarifçilik addımıdır.

Çiçək xanımın böyük qəlbi yalnız sinif otaqları ilə məhdudlaşmır. O, orta məktəbdə çalışmaqla bərabər, həm də fəal və sevimli ictimai xadim kimi tanınır.
Cəmiyyətin ağrılarına, xüsusən də qadınların səsinə laqeyd qala bilməyən Çiçək Hüseynova, "Sapari" təşkilatındakı fəaliyyəti ilə ehtiyacı olan hər kəsin yanında olmağa çalışır. O, hüquqları tapdanan, dəstəyə ehtiyacı olan qadınların arxasında duran güclü bir dayaq, ümidini itirənlər üçün isə böyük bir təsəllidir.

Gənc yaşına baxmayaraq, xeyirxahlığı, samimiyyəti və insan sevgisi ilə hər kəsin qəlbində taxt quran Çiçək xanım, bu heyatda ən böyük zənginliyin insanlara faydalı olmaq olduğunu öz əməlləri ilə sübut edir. O, ətrafındakı hər kəsə sevinc, təbəssüm, ümid və işıq paylamaqda davam edən həqiqi bir maarif fədaisidir.

Çiçək xanəm istər müəllim, istərsə də şagrdlərlə mehriban və səmimi münasibət qurmağı bacarır. Şagirdlərin dil öyrənməsində bir çox aktivliklər və layihələr işləyərək dərslərini daha da maraqlı edir. Bu isə uşaqlarda dil öyrənməsinə marağı daha da artırır.
Çiçək Hüseynovanın mənalı ömür yolu bizə bir daha sübut edir ki, hər bir insanın qəlbindəki samimiyyət və işıq bütöv bir cəmiyyətin gələcəyini aydınlatmağa qadirdir.
İstər sinif otaqlarında şagirdlərinə gürcü dilini sevdirən bir müəllim, istər Qardabani Təhsil və İnteqrasiya Mərkəzində gənclərə yol göstərən bir rəhbər, istərsə də, cəmiyyətdə qadınların səsinə səs verən fədakar bir insan və ictimai xadim kimi, o, hər addımında silinməz izlər qoyur.

Onun yandırdığı bu maarif və ümid məşəli zaman keçdikcə daha da gur yanacaq, dərs dediyi hər bir şagirdin təbəssümündə və dəstək olduğu hər bir insanın uğurunda öz əksini tapacaq.
Çünki sevgi, səbir və fədakarlıqla əkilən hər bir toxum, zamanı gələndə cəmiyyətin gələcəyini bəzəyən al-əlvan çiçəklərə çevrilməyə məhkumdur.

Mən də bir həmkarı kimi, həm öz adımdan, həm kollektivimiz adından, həm də üzvü olduğum Redaksiya Heyətimiz adından çox hörmətli Çiçək xanımı ad günü münasibəti ilə ürəkdən təbrik edir, ona uzun ömür, möhkəm can sağlığı və yeni-yeni uğurlar arzulayıram!..

SEVDA AYXAN (ŞAHVERDİYEVA),
Qardabani Təhsil və
İnteqrasiya Mərkəzinin
Azərbaycan dili və
ədəbiyyatı müəllimi,
ZiM.Az-ın və Yurd.İnfo.Az-ın
Redaksiya Heyətinin üzvü,
"Abdulla Şaiq",
"Xanqızı Natəvan",
"Akademik Mədəd Çobanov",
"Qızıl qələm", "Zirvə" və "Zəfər"
mükafatları laureatı

ZiM.Az
Yurd.İnfo.Az


.