Süni intellekt şagird və tələbələrin həyatını necə dəyişir?

Müasir dövrdə texnologiyanın sürətli inkişafı təhsilə də ciddi təsir göstərmişdir. Xüsusilə də, süni intellektin yaranması şagird və tələbələrin məlumat əldə etməsini daha da asanlaşdırıb. Bu yeniliyin mənfi və müsbət tərəfləri vardır.
Süni intellektdən düzgün istifadə bizə müsbət mənada kömək edə bilər.
Məsələn, hər hansı bir məlumat əldə etmək üçün süni intellekt ən aparıcı üsullardan biridir. Bəzən şagird və tələbələr bir məlumatı və ya informasiyanı əldə etməkdə çətinlik çəkirlər, bu zaman süni intellekt onların köməyinə çatır. Xüsusilə də son zamanlar aktual olan ChatGPT proqramı ən aktual axtarış sistemidir. Bu proqram insanlara əhəmiyyətli dərəcədə kömək edir.
Lakin süni intellektin müsbət cəhətləri olduğu kimi, mənfi cəhətləridə mövcuddur. Çünki bu axtarış sistemləri şagird və tələbələrin düşüncə qabiliyyətini zəiflədir. Əvvəllər onlar istədiyi məlumatları əldə etmək üçün kitabxanalara və ya müəllimlərə üz tuturdularsa, hal-hazırda süni intellektdən kömək alırlar. Bu da onların kitab oxuma və araşdırma bacarığını əlindən alır. Kitab oxumaq bizim nitq qabiliyyətimizi inkişaf etdirir. Süni intellekt də şagird və tələbələrə daha asan üsulla məlumatı tapmağa kömək etdiyi üçün, onlar kitab oxumaqdan və araşdırmaqdan qaçınırlar. Bu da onlara mənfi təsir edir.
Bəzi hallarda süni intellekt bizlərə səhv məlumatlarda ötürə bilər. Bəzi riyazi məsələ və misalların həllində, bəzi araşdırmalarda süni intellekt heç də düzgün məlumat ötürmür. Bu da şagird və tələbələr üçün yaxşı deyil.
Nəticə olaraq süni intellekt həyatımızı daha asan və əlçatan etsə də, ondan məqsədli və düzgün istifadə etmək lazımdır. Əgər şagird və tələbələr süni intellektdən sadəcə köməkçi vasitə kimi istifadə etsələr, biliklərini artıra və düzgün məlumat əldə edə bilərlər.

Fatimə ƏLƏKBƏROVA,
ZiM.Az


.