Ədəbiyyatşünas alim Salidə Şərifovanın Almaniyada yeni monoqrafiyası nəşr edilmişdir

TƏBRİK EDİRİK!...

“SABİR RÜSTƏMXANLI YARADICILIĞININ PROBLEMATİKASI VƏ JANR MÜXTƏLİFLİYİ”

Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun baş elmi işçisi, filologiya elmləri doktoru Salidə Şərifovanın “Sabir Rüstəmxanlı yaradıcılığının problematikası və janr müxtəlifliyi” adlı monoqrafiyası GlobeEdit nəşrlər evində (Almaniya) nəşr edilmişdir. 120 səhifəlik monoqrafiya Azərbaycanın Xalq şairi Sabir Rüstəmxanlının elmi və bədii yaradıcılığını geniş şəkildə əks etdirir.

Rusiya Təbiət Elmləri Akademiyasının həqiqi üzvü Salidə Şərifovanın “Sabir Rüstəmxanlı yaradıcılığının problematikası və janr müxtəlifliyi” monoqrafiyası giriş, beş fəsil, nəticə və istifadə olunmuş ədəbiyyatdan ibarətdir. "Sabir Rüstəmxanlı yaradıcılığının janr müxtəlifliyi və xüsusiyyətləri", "Sabir Rüstəmxanlı yaradıcılığında publisistika və elmi janrlar", "Sabir Rüstəmxanlı nəsrinin problematikası, janr müxtəlifliyi və xüsusiyyətləri", "Sabir Rüstəmxanlı nəzminin problematikası, janr müxtəlifliyi və xüsusiyyətləri", "Sabir Rüstəmxanlının dram yaradıcılığı" adlı fəsilləri əhatə edən monoqrafiyada Azərbaycanın Xalq şairi Sabir Rüstəmxanlının elmi tədqiqatlarının, publisistikasının, bədii yaradıcılığının janr problemləri tədqiq edilib. Sabir Rüstəmxanlının nəsr, nəzm və dram əsərlərinin tədqiqinə, əsərlərindəki mənəvi problemlərin açıqlanmasına, ədibinı yaradıcılığında janr qarışıqlığına və nəşr edilmiş kitablarının janr müxtəlifliyinə geniş yer verilir.

Biz də Redaksiya Heyətimiz adından dəyərli həmkarımız - eyni zamanda ZiM.Az-ın redaktoru olan tanınmış ədəbiyyatşünas alimimiz, çox hörmətli Salidə xanım Şərifovanı “Sabir Rüstəmxanlı yaradıcılığının problematikası və janr müxtəlifliyi” adlı monoqrafiyasının Almaniyanın "GlobeEdit" nəşrlər evində işıqüzü görməsi münasibətilə ürəkdən təbrik edir və ona şərəfli fəaliyyətində yeni-yeni uğurlar arzulayırıq!..

Müşfiq BORÇALI,
ZiM.Az
Elm.İnfo.Az


.