HEYDƏR ƏLİYEV VƏ AZƏRBAYCAN MÜƏLLİMİ

“Müəllim dünyada yeganə şəxsiyyətdir ki, cəmiyyət özünün gələcəyini, uşaqların tərbiyəsini yalniz ona etibar edir. Şəxsən mənim müəllimə həmişə böyük hörmətim olubdur.”
Ümumilli lider HEYDƏR ƏLİYEV .

Xalqımızın ümummilli lideri Heydər Əliyev- Azərbaycan tarixində öz misilsiz xidmətləri ilə dərin iz qoymuş müdrik rəhbər, milli dövlətçilik düşüncəsini formalaşdırmış dahi şəxsiyyətdir.Ulu Öndər müstəqil Azərbaycan dövlətinin memarı və qurucusudur. O, böyük və mənalı ömrünü vətənə və xalqa həsr etmişdir. Müdrik dövlət xadimi Heydər Əiyev bütün dünyanın qəbul etdiyi, sevgisini qazandığı böyük siyasətçidir.
Dahi şəxsiyyət, görkəmli dövlət xadimi Azərbaycan xalqının, Azərbaycan dövlətinin taleyinə günəş doğan Heydər Əliyevin xilaskar adı tarixə qızıl həriflərlə yazılmışdır.

Onun zəngin irsi, siyasi fəaliyyəti, dövlətçilik ideyaları ilə yanaşı, təhsil sahəsinə göstərdiyi xüsusi diqqət və qayğı da Azərbaycan müəlliminin cəmiyyətdəki rolunun yüksəldilməsində mühüm əhəmiyyət kəsb etmişdir.
Azərbaycanın dövlətçilik tarixində təhsil sahəsi, müəllimlərin cəmiyyətdəki mövqeyi və nüfuzu hər zaman xüsusi əhəmiyyət daşıyıb. Xalqın milli-mənəvi kimliyinin qorunmasında, gənc nəslin savadlı, vətənpərvər yetişməsində müəllimlərin rolu əvəzsizdir. Bu mənada Ulu Öndər Heydər Əliyev müəllimlərə verdiyi yüksək dəyər və qayğı ilə yadda qalmışdır. O, müəllimliyi ən şərəfli peşə adlandıraraq, müəllimlərin fəaliyyətini dövlətin inkişafı ilə birbaşa əlaqələndirmişdir.

Müəllim… Bu sözün sehrində əsrlərin müdrikliyi, insanlığın gələcəyi, millətin sabahı gizlənib. Uşağın ilk qələmini əlinə alanda yanında duran, ilk hərfini öyrədən, dünyanı tanıdan da məhz müəllimdir. Azərbaycan xalqının ümummilli lideri Heydər Əliyev isə müəllim peşəsinə həmişə xüsusi məhəbbətlə yanaşmış, onu ən uca, ən müqəddəs peşələrdən biri adlandırmışdır.

Heydər Əliyev dəfələrlə vurğulayırdı ki, xalqı yaşadan, milləti dünyaya tanıdan ən əsas amillərdən biri onun müəllimlir. Çünki müəllim yalnız bilik verən deyil, həm də gənc nəsli milli-mənəvi dəyərlər ruhunda tərbiyə edən, gələcəyin ziyalısını yetişdirən şəxsdir. Ulu Öndərin müəllimlərə münasibəti, onların zəhmətinə verdiyi dəyər Azərbaycan təhsil sisteminin inkişafına güclü təkan vermişdir.
Ulu Öndər yaxşı bilirdi ki, güclü dövlətin əsası güclü təhsildən, güclü təhsilin əsası isə müəllimdən keçir. Buna görə də onun hakimiyyəti illərində müəllimlərə diqqət və qayğı heç vaxt əsirgənmədi. Yeni məktəblər tikildi, müəllimlərin nüfuzu yüksəldi, gənc nəsillərin milli ruhda böyüməsinə şərait yaradıldı.
Onun rəhbərliyi dövründə təhsil sahəsində aparılan islahatlar, yeni məktəblərin inşası, müəllimlərin sosial vəziyyətinin yaxşılaşdırılması istiqamətində görülən tədbirlər pedaqoqların cəmiyyətdə nüfuzunun artmasına səbəb olmuşdur. Heydər Əliyevin müəllimlər haqqında dediyi “Müəllimlik ən şərəfli peşədir” sözləri bu gün də minlərlə pedaqoqun fəaliyyətinə işıq tutur.
Heydər Əliyevin pedaqoqlara olan sevgisi təkcə dövlət proqramlarında yox, onun sadə insanlarla ünsiyyətində də görünürdü. O, hər görüşündə müəllimlərin zəhmətini ucaldır, cəmiyyətin mənəvi sütunu kimi onları hörmətlə anırdı.
Azərbaycan müəllimi bu gün də Heydər Əliyevin qoyduğu yolun yolçusudur. Hər bir müəllim öz şagirdinə Vətən sevgisini öyrədərkən, elmə aparan yolları göstərərkən, əslində Ulu Öndərin arzuladığı gələcəyi qurur. Onların səsi sinif otaqlarından bütün ölkəyə yayılır. Bu səsdə həm vətən sevgisi, həm də Heydər Əliyevin ölməz ideyalarının əksi duyulur.
Müəllim – millətin işığını daşıyan çıraqdır. Heydər Əliyev isə o çırağın heç vaxt sönməməsi üçün zəmin yaratmış, Azərbaycan müəlliminin simasında bütöv bir xalqın gələcəyini görmüşdür.
Heydər Əliyevin müəllimlərlə görüşləri onun həyat və fəaliyyətində xüsusi yer tutub. Ulu öndər müəllimləri sadəcə bir peşə sahibi yox, cəmiyyətin mənəvi dayağı, xalqın gələcəyini formalaşdıran böyük qüvvə kimi görürdü.

Hər il 5 oktyabr – Müəllimlər günü münasibətilə o, pedaqoqlarla görüş keçirir, onların zəhmətini yüksək qiymətləndirirdi.
Görüşlərində tez-tez deyirdi ki: “Müəllim xalqın gələcəyini yaradan, millətin işığını yandıran şəxsdir.”
O, müəllimlərin sosial vəziyyətinin yaxşılaşdırılması, təhsilin inkişafı üçün dövlət səviyyəsində xüsusi sərəncamlar verir, görüşlərdə bu məsələlərdən ətraflı danışırdı.

Heydər Əliyev müəllimlərlə söhbətlərində tez-tez öz məktəb illərinə qayıdır, onu ilk hərfləri öyrədən müəllimlərini minnətdarlıqla xatırlayırdı.
Müəllimlərlə görüşlərində o, həmişə sadə, səmimi, ata qayğısı ilə danışırdı. Müəllimlər isə öz növbəsində ona təhsilə və gənc nəslə göstərdiyi diqqət üçün təşəkkür edirdilər. Bu görüşlər pedaqoqların mənəvi ruhunu qaldırır, onlara güc və motivasiya verirdi.
Azərbaycan müəllimi Heydər Əliyev ideyalarının daşıyıcısıdır. Onlar gənc nəslə Vətən sevgisini, dövlətə sədaqəti, milli kimliyimizi qorumağı və inkişaf etdirməyi aşılayırlar. Müasir Azərbaycanın uğurlarında müəllimlərin əməyinin böyük payı vardır. Heydər Əliyevin müəllimlərə göstərdiyi diqqət və hörmət bu peşənin dəyərini daha da yüksəltmişdir.
Heydər Əliyevin müəllimlərə münasibəti sadəcə pedaqoji sahə ilə məhdudlaşmırdı. Bu, əslində, milli inkişaf strategiyasının, dövlətin gələcəyini təmin edən siyasətin bir hissəsi idi. Ulu öndər müəllimləri xalqın maariflənməsi, milli dəyərlərin qorunması, dövlətçiliyin möhkəmlənməsi üçün əsas qüvvə hesab edirdi.

Bu gün də ümummilli lider Heydər Əliyevin uzaqgörən siyasətinin davamçısı olan cənab Prezident İlham Əliyevin rəhbərliyi ilə təhsil sahəsində genişmiqyaslı proqramlar həyata keçirilir, müəllimlərin nüfuzu daha da artırılır, elm-təhsil sahəsində güclü islahatlar keçirilir.

Heydər Əliyevin müəllimlərə münasibəti yalnız pedaqoji sahə ilə məhdudlaşmır, həm də milli inkişaf strategiyasının ayrılmaz hissəsini təşkil edirdi. O, müəllimləri cəmiyyətin işıq saçan mənbəyi hesab edir, onların fəaliyyəti ilə millətin gələcəyini birbaşa əlaqələndirirdi. Bugünkü Azərbaycan müəllimi öz fəaliyyəti ilə Ulu Öndərin bu etimadını doğruldur və onun ideyalarını yaşadır.


GÜLDANƏ HƏSƏNOVA,
“Sənət dünyasının nuru” jurnalının
baş redaktor müavini,
"ZİRVƏ" İnformasiya Mərkəzinin -
zirve.info.az saytının redaktoru,
Azərbaycan Jurnalistlər Birliyinin üzvü,
"Abdulla Şaiq", “Qızıl Qələm”,
"Zirvə" və "Zəfər" mükafatları laureatı,
“Xurşidbanu Natəvan” Fəxri Medalın və
“Ədəbiyyat Səfri” Fəxri Diplomun Mükafatçısı,
Jurnalist-publisist, redaktor, pedaqoq,

ZiM.Az
elm.info.az
ziya.info.az
yurd.info.az
zirve.info.az

.