NAZİR ZİYADOVun ŞEİRLƏRİNDƏN NÜMUNƏLƏR

VƏTƏNDİR

Dünyada mənimçün ən müqəddəs yer
Qibləgahim və and yerim Vətəndir!
Torpağıdır hər dərdimin dərmanı
Müqəddəs ocağım pirim Vətəndir!

Dünyaya sığmayan şanim şöhrətim
Qəlbimin təpəri gücüm qüvvətim
Tükənməz sərvətim varım dövlətim
Ləlim cəvahirim zərim Vətəndir.

Məni cəzb eyləməz qurbətin varı
Yesəmdə vətəndə hər gün suxarı
Odur bu könlümün sevgili yarı
Vüqarım şərəfim fəxrim Vətəndir.

Bir an tərk etməyib məni doğrusu
Vətənimi bütöv görmək arzusu
Qaçıb gözlərimin şirin yuxusu
Gecə-gunduz dərdim-sərim Vətəndir!..


DÜNYANI NEYNİRƏM SƏNDƏ ÖLƏCƏM

Hələ yaşayıram narahat olma
Nə vaxtki sən ölsən məndə öləcəm.
Mən ömrüm sənin ömrün deməkdir
Mən səninlə eyni gündə öləcəm.

Soruşmursan sənsiz halım necədir
Sənsiz ömrüm zülmət dolu gecədir
Evim səni ilk gördüyüm küçədir
Mən həmin küçədə tində öləcəm.

Qəlbinin küncündə mənə qəbir qaz
Axıt göz yaşını ora sən bir az
Baş daşımda nə yazırsan özün yaz
Dünyanı neynirəm səndə öləcəm.


MƏHƏBBƏT

Ömrüm bir gözəli sevməkdə keçdi
Ağlımı başımdan aldı məhəbbət.
O məni sevmədi başqasın seçdi
Məni daşdan daşa çaldı məhəbbət.

Saldı saçlarıma cavankən dəni
Tökübdur üstümə dumanı çəni
Yandırıb kül etdi sonrada məni
Məcnun tək çöllərə saldı məhəbbət.

Məhəbbət sözünün özü gözəlmis
Təpədən dırnağa qəmmis kədərmis
İçdim eşq badəsin acı zəhərmis
Mən elə bilirdim baldı məhəbbət.

Nə insaf varıymış nə mürvət onda
Çoxları can verdi onun yolunda
Sənə rəhm etmədi Nazir sonunda
Gözündə yaş olub qaldı məhəbbət.


ANA

Baxanda bağrımın başı odlanir
Qırışib əlləri üzü anamın
Zalım zaman artıq öz işin görüb
İynəni saplamir gözü anamın.

O bir şam tək yolumuzda əriyib
Xəstələnsək üzün kədər bürüyüb
Həzin laylasiyla qana yeriyib
Şəkərdi sərbətdi sözü anamın.

Çay süzür baxıram əsir əlləri
Ağappaq ağarıb qara telləri
Taqətdən salıbdır ömrün illəri
Daha gücdən düşüb dizi anamın.

Bilmirəm hardan bu qədər güc alıb
Əməliylə el içində ucalıb
Böyüdə-boyudə bizi qocalib
Düşməyib yadına özü anamın.


YAXŞIDIR

Şah olunca nadanlar ölkəsində
Bir qanana nökər olsan yaxşıdır.
Namərd üçün tər töküb isləyincə
Ömrü boyu bekar olsan yaxşıdır.

Dar gündə nakəsdən umma sən kömək
Bu dünyanın qəm sələsin özün çək
Dərini soysalarda Nəsimi tək
Haqsızlığa sipər olsan yaxşıdır.

Tamahın etməsin sənə ağalıq
Kiməsə irisib etmə yaltaqlıq
Yurd salmasın ürəyində paxıllıq
Dost təsubun çəkər olsan yaxşıdır.

Nazirəm sözümü başa düş anla
Öyünmə heç zaman dövlət varinla
Halal ömür sürüb təmiz vicdanla
Bu dünyadan köçər olsan yaxşıdır.

ZiM.Az


.