Lənkəranda böyük kimyaçı alim və tanınmış ziyalı Bö­yükağa Hü­seynbala oğlu Həsənovun xatirəsi anılıb

Lənkəranın elmi, tarixi və mə­də­ni salnaməsində müstəsna ye­ri olan böyük kimyaçı alim, dosent və tanınmış ziyalı Bö­yükağa Hü­seynbala oğlu Həsənovun zəngin irsinə həsr olunmuş tədbirdə ailəsi ilə bir arada olmaq, bu tarixi an­ları paylaşmaq mənim üçün son­suz qürur və şərəf hissidir.

Böyükağa müəllim 17 mart 1929-cu ildə Lənkəran şəhərində anadan olmuş, bütün ömrünü el­mə, maarifçiliyə və doğma di­ya­rı­mızın tədqiqinə həsr etmişdir.
Kimya elmləri sahəsində qa­zan­­dı­ğı elmi uğurlar və dosent dərəcəsi ilə yanaşı, onun re­gio­numuzun ta­rixi, coğrafiyası, etnoqrafiyası və elmi mühitinin araş­dırılmasındakı xidmətləri əvəzsizdir.

Görkəmli tədqiqatçı, Lənkəran Dövlət Universitetinin dosenti Mirhaşım Talışlı ilə birgə qələmə aldığı 512 səhifəlik funda­men­tal "Lənkəran" kita­bı regionun təbii coğrafi şəraitini və in­sanlarını hərtərəfli işıq­landıran ilk geniş monoqrafik əsər ki­mi bu gün də mühüm mənbə olaraq qalır.

Elmi fəaliyyəti ilə ya­na­şı, onun bədii-pub­lisistik yazıları və yenicə gün üzü görmüş "Xa­tirələrim - İthaf" me­muarı alimin zəngin daxili aləminin və doğ­ma torpağa sev­gisinin bariz nümunəsidir.

1 avqust 2026-cı ildə Lənkəran Tarix-Diyarşünaslıq Muze­yin­də keçirilən bu təqdimat mərasimində Böyükağa müəllimin kül­liy­yatının, sənədlərinin, diplomlarının, fəxri fərmanlarının, nəşr olunmuş kitablarının, alimin qızı tərəfindən muzeyimizdə təhvil verilmişdi, əsl xəzinə kimi dəyərləndirilən və yeni çapdan çıxan "İthaf" kitabının, eləcə də rəssam tərəfindən böyük ustalıqla çə­kilmiş nəfis portretinin muzeyimizə hədiyyə edilməsi tarixi bir ha­disədir.

Böyükağa müəllim üçün Lənkəran Tarix-Diyarşünaslıq Muze­yində yeni sərgi vitrininin qoyulması və onun külliyyatının ora top­lanması bizim hər birimiz üçün son dərəcə sevindirici hal­dır.
Bu zəngin irs bundan sonra muzeyimizin ən dəyərli eks­po­nat­ları sırasında qorunacaq və gələcək nəsillərə ötürülə­cəkdir.

Tədbirdə Böyükağa müəllimin qardaşı Mahmud müəllimin, övladlarının, bacısının və bacısı nəvələrinin, Lənkəran Dövlət Universitetinin müəllimi olmuş Nadir müəllimin, universitetin müəlliməsi olmuş İradə xanım Məcidovanın və Lənkəranda ya­şayan digər qohumların iştirakı, səsləndirilən kövrək xatirələr tədbirimizə xüsusi bir istilik və mənəvi ucalıq qatdı. Mahmud müəl­limin nəcib qəlb sahibi kimi nümayiş etdirdiyi diqqət, qar­şı­da gələn doğum günümü unutmayaraq təqdim etdiyi gözəl gül dəstəsi və səmimi təbrikləri də məni hədsiz dərəcədə təsirlən­dir­di.

Böyükağa Həsənovun xatirəsini belə yüksək səviyyədə yaşat­dıq­larına, onun elmi və mənəvi irsini muzeyimizə etibar etdik­lərinə görə Həsənovlar ailəsinə, başda Mahmud müəllim ol­maq­­la bütün qohumlarına və tədbirin ərsəyə gəlməsində əməyi olan hər kəsə dərin minnətdarlığımı bildirirəm. Allah Boyükağa müəllimə rəhmət etsin, məkanı cənnət olsun, inşallah...

Lənkəran Tarix-Diyarşünaslıq Muzeyinin direktoru,
Tarix üzrə fəlsəfə doktoru, dosent,
Leyla Qadir qızı MƏCİDOVA

ZiM.Az


.