CƏMİL ZƏBULLAOĞLU - 65!.. MÜBARƏK OLSUN!...

(Şeirlərimi dəfələrlə öz saytında sayqıyla paylaşan,
tanınmış jurnalist, Turaztv.az saytının baş redaktoru, FB dostum, şair Cəmil Zəbullaoğluna)

Bir insan tanıdım gözəl ürəkli,
Amallı, məqsədli, arzu, diləkli.
O, mərd, istiqanlı, həm də istəkli,
Altmış beş illiyi mübarək olsun.

Hər kəsə bəllidir dini, imanı,
Rəhbərtək hər işə çatır zamanı.
Onun Allahadır yalnız gümanı,
Altmış beş illiyi mübarək olsun.

Bağlıdır obaya, bağlıdır elə,
Kövrəkdir, bənd olur bir şirin dilə.
Mənasız bir anı keçməsin belə,
Altmış beş illiyi mübarək olsun.

Sığınıb Tanrıya, şükürlüdür çox,
Səbirli insantək bərabəri yox.
Cəmildir, həm nəfsi, gözü, könlü tox,
Altmış beş illiyi mübarək olsun.

Dostlar yığışacaq yenə başına,
Kövrəlmə, ömürdən düşən daşına.
Uğurla qədəm qoy yeni yaşına,
Altmış beş illiyi mübarək olsun.

BELA ZƏNGİBASARLI
ZiM.Az

.