ADPU-da “Şərq intibah poeziyasının Xaqanı” mövzusunda Respublika elmi-praktik konfransı keçirilib Təhsil » ADPU 18 ноября 2026 105 0 1 2 3 4 5 2026-cı il noyabrın 17-də Azərbaycan Dövlət Pedaqoji Universitetində (ADPU) Azərbaycan ədəbiyyatının görkəmli nümayəndəsi, böyük Azərbaycan şairi Xaqani Şirvaninin 900 illik yubileyinə həsr olunmuş “Şərq intibah poeziyasının Xaqanı” adlı Respublika elmi-praktik konfransı keçirilib.Konfransın plenar iclası ADPU-nun rektoru professor Cəfər Cəfərovun açılış nitqi ilə başlayıb.Rektor çıxışında Xaqani Şirvaninin Azərbaycan və Şərq ədəbiyyatı tarixindəki müstəsna mövqeyini vurğulayıb. Qeyd edilib ki, şairin zəngin yaradıcılığı dərin fəlsəfi məzmunu, yüksək poetik məziyyətləri və dövrünün ictimai-mənəvi düşüncəsini əks etdirməsi ilə seçilir. Tədbirdə professor Mahmud Allahmanlı “Böyük Azərbaycan şairi Xaqani Şirvaninin intibah məfkurəsi”, dosent Qüdrət Umudov isə “Xaqani Şirvani: həyatından fraqmentlər, yaradıcılığına qısa nəzər” mövzularında məruzələrlə çıxış ediblər. Məruzələrdə şairin həyat və yaradıcılığının müxtəlif aspektləri, ədəbi irsinin səciyyəvi xüsusiyyətləri və Şərq ədəbiyyatının inkişafında rolu diqqətə çatdırılıb.Konfrans çərçivəsində professor Salidə Şərifova və dosent Nazilə Abdullazadə də elmi məruzələrini təqdim edərək Xaqani Şirvaninin yaradıcılığına dair fikir və mülahizələrini bölüşüblər.Tədbirin bədii hissəsində ADPU Filologiya fakültəsinin “Meh” ədəbi dərnəyinin üzvləri çıxış ediblər.Konfransın yekununda ADPU-nun Beynəlxalq əlaqələr üzrə prorektoru prof. Mahirə Hüseynova və Filologiya fakültəsinin dekanı dosent Könül Həsənova çıxış edərək tədbirin əhəmiyyətini vurğulayıb, iştirakçılara uğurlar arzulayıblar.Konfrans öz işini bölmə iclasları ilə davam etdirib.* * *“Xaqani Şirvani irsi ədəbiyyatşünaslıqda” adlı 1-ci bölmədə Azərbaycan Texniki Universitetinin əməkdaşı, “Ziya” qəzetinin, ZiM.Az, Ziya.İnfo.Az və Elm.İnfo.Az saytlarının Baş redaktoru, AYB-nin və AJB-nin üzvü, Filologiya üzrə fəlsəfə doktoru, Prezident təqaüdçüsü MÜŞFİQ BORÇALI (ÇOBANOV) "XAQANİ ŞİRVANİ VƏ GÜRCÜSTAN: XII ƏSR QAFQAZ MƏDƏNİ-ƏDƏBİ, SİYASİ VƏ LİNQVİSTİK ƏLAQƏLƏRİ KONTEKSTİNDƏ" mövzusunda məruzə edib. Məruzə böyük maraqla qarşılanıb. Biz də Redaksiya Heyətimiz adından bu münasibətlə dəyərli həmkarımız Müşfiq Borçalını ürəkdən təbrik edir və ona şərəfli fəaliyyətində yeni-yeni uğurlar arzulayırıq!..ZiM.AzZiya.İnfo.AzElm.İnfo.Az. Muəllif huquqları qorunur. Məlumatdan istifadə etdikdə istinad mutləqdir.