Filologiya elmləri doktoru Salidə Şərifovanın yaradıcılığından bəhs edən kitabların təqdimatı keçirilib

2026-cı il mayın 19-da Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun Müstəqillik dövrü Azərbaycan ədəbiyyatı şöbəsinin baş elmi işçisi, filologiya elmləri doktoru Salidə Şərifovanın yaradıcılığından bəhs edən kitabların Azərbaycan Yazıçılar Birliyində təqdimatı keçirilib.

AYB-nin rəhbərliyi adından AYB-nin katibi Səlim Babullaoğlu açılış edərək müəlliflərə təbriklərini ünvanlayıb.

Tədbirin moderatoru - AYB Bədii Tərcümə və Ədəbi Əlaqələr Mərkəzinin sədri, tənqidçi Əsəd Cahangir hər iki kitab haqqında ətraflı məlumat verib.
Bildirib ki, təqdimatı keçirilən kitablardan biri Ədəbiyyat İnstitutunun “Rəqəmsal ədəbiyyatşünaslıq və Süni intellekt” şöbəsinin müdiri filologiya üzrə fəlsəfə doktoru, dosent Zakirə Əliyevanın “Ədəbiyyatşünas alimin elmmetrik pasportu seriyası”ndan “Filologiya elmləri doktoru Salidə Şərifovanın yaradıcılığı elmmetrik diapazonda” adlı monoqrafiyasıdır. Digəri isə Müstəqillik dövrü Azərbaycan ədəbiyyatı şöbəsinin böyük elmi işçisi Mənzər Niyarlının (Hüseynova) “Sənətkarın elmi pasportu” seriyasından “Salidə Şəmmədqızının kiçik bədii nəsri” adlı monoqrafiyasıdır.

Sonra “Salidə Şəmmədqızının kiçik bədii nəsri” monoqrafiyasının elmi redaktoru və “Elmi və bədii yaradıcılığı bir müstəvidə tədqiq edən ədib – Salidə Şəmmədqızı (Salidə Şərifova)” adlı ön sözün müəllifi filologiya elmləri namizədi, Azərbaycan Respublikası Milli Məclisinin deputatı Səyyad Aran çıxış edib.

Ardınca AMEA-nın aparıcı elmi işçiləri - filologiya elmləri doktorları, professorlar Məmməd Əliyev, Almaz Ülvi, Gülbəniz Babyeva, filologiya üzrə fəlsəfə doktorları - Müşfiq Borçalı, Hüsniyyə Çobanova, Fidan Qasımova, Fərqanə Əliyeva kimi natiqlər çıxış edərək nəzəriyyəçi alim, Rusiya Təbiət Elmləri Akademiyasının həqiqi üzvü Salidə Şərifovanın yaradıcılığının elmmetrik diapazonda tədqiq edilməsini yüksək qiymətləndiriblər.

ADPU-nun professorları Elman Quliyev və Yaqub Babayev keçmiş tələbələri Salidə Şərifovanın uğurlarından qürur duyduqlarını söyləyiblər.

Tədbirdə çıxış edən Elşad Həsənov, Vəli Qaraçaylı, Nuşabə Məmmədli, Mahirə Abdulla, Yusif Nəğməkar, Dilarə Adilgil, Sabir Şahtaxtlı, Zəlimxan Şərifov, Leyla Məmmədova, Kalına İbişova, Güləmail Murad və b. hər iki kitabın xarakterik xüsusiyyətlərindən və elmi yeniliyindən danışıblar.

Sonra müəliflər Mənzər Niyarlı və Zakirə Əliyeva, həmçinin Salidə Şərifova tədbir iştirakçılarına təşəkkürlərini çatdırıblar.

ZiM.Az


.