8-ci ELAT NİYƏ BAŞ TUTMADI?

Firudin İSMAYILOV,
"BORÇALI" İCTİMAİ CƏMİYYƏTİnin
SƏDR MÜAVİNİ

Hörməyli eloğlular!
Bildirirəm ki, son günlər ÖLKƏM.AZ və s. saytlarda yer almış "Gürcüstan hakimiyyətindən Azərbaycana-HÖRMƏTSİZLİK" başlıqlı yazı həqiqətə uyğun deyil.
Bu məqalənin müəllifləri, hadisələrin səbəbini bilməyən insanlar da Gürcüstan dövlətinin "pis" dövlət olmasını deməklə Azərbaycan dövlətini də bu xoşagəlməz məsələlərə qatmaq istəyirlər. Onlar Azərbaycan hökümətinə və onun bayrağına hörmətsizlik etməyiblər. O, şəraiti yaratmaq istəyən Azərbaycan vətəndaşlarına layiq olduqları cavabı verməklə öz hörmətsizliklərini bildiribdirlər. Mən xahiş edirəm, yazacağınız məlumatı əvvəlcə dəqiqləşdirin və hadisələrin səbəbini çalışıb öyrənin ki, yazınızda işlətdiyiniz ifadələrlə Azərbaycan və Gürcüstan dövlətlərinin dostluğuna,strateji müttəfiqliyinə, insanlar arasında çaşqınlıq yaratmaqla xələl gətirməyəsiniz. Yazını oxuyan insanlar həqiqəti bilmədiklərindən qıcıqlanaraq (gənclər) nalayiq ifadələrin işlənməsinə yol verirlər.
Səbəbin bir hissəsini açıqlamağa çalışacam. Axı Gürcüstanın hakimiyyət orqanları 7 ildir ki, Elat bayramı tədbirininin keçirilməsinə icazə verirdi nə baş verdi ki, birdən birə belə hərəkət etdilər. Birdən-birə isə heç nə olmur. Bu hadisələrin əsas səbəbkarının bizlər və keçən illərdə Elat bayramı tədbirini keçirən Borçalı İctimai Cəmiyyətinin rəhbərlərinin tədbirdən sonra mətbuata, saytlara tədbirin gələcəyinə xətər, zərər gətirə biləcək, tədbirdə baş vermiş xeyirli və ziyanlı (öz xətalarını gizlədərək) hadisələrin işıqlandırılmamasında, bütün məlumatların verilməməsindədir.
Keçən ilki tədbirdə (iştirakçısı, təşkilatçılarından biri də mən idim) Borçalı cəmiyyətinin sədri Z.Məmmədli flaşkarta yazdıraraq səsləndirdiyi yarıtmaz ambisiyalı, Gürcüstan dövlətinin rəhbərlərinə qarşı müxalif yönümlü çıxışı ilə dövləti və hakimiyyəti lənətləyərək yersiz ittihamlar etmişdir..Unutmaq lazım deyil ki, o dövlətin də təhlükəsizliyinə cavab verən orqanları var. Heç bir Azərbaycan vətandaşının müstəqil, demokratik Gürcüstan dövlətinin işlərinə qarışmağa nə haqqı, nə də hüququ var. Nədə ki, onlara işləməyi öyrətməyə ixtiyarı çatır. Qubernator və rayon rəhbərləri 7-ci Elat bayramının keçirilməsi üçün bizlərə istənilən qədər köməklik etmişdirlər, şərait yaratmışdirlar. Onlar isə əvəzində öz dövlət rəhbərlərinə qarşı lənətlər və ittihamlar eşitdilər. "Mükafatlarını" aldılar. O çıxışı təşkil edənlər o vaxt Gürcüstan dövlət orqanlarının rəhbərlərinə, cəmiyyət üzvlərinə və tədbir iştirakçıları olan soydaşlarına xəta olaraq etdikləri hörmətsizliyi niyə anlayıb açıqlama vermirlər.
7-ci Elatdakı o çıxışla belə bir qarşılığın olacağını və bu vəziyyəti yaratdıqlarını anlamadılarmı yoxsa anlamaq istəmədilərmi? İndi isə xahiş edirəm, Azərbaycan və Gürcüstan dövlətlərinin adlarıını hallandırmaqla bu məsələlərlə aranı qarışdırmağa, insanlarımızda "pis" fikirlərin yaranmasına nail olmağa çalışmasınlar.
Öz etdiyiniz səhvləri başa düşüb etiraf etməyi bacarın. Bir daha bildirirəm ki, yalan məlumatlarla insanlarımız arasında qarışıqlıq yaratmaq lazım deyil.
Həqiqəti yazaraq ədalətli olmağa çalışın. Yalanlarla soydaşlarımızı çıxılmaz vəziyyətdə (onsuzda xeyriniz yoxdur) qoymayın.


.