Əli Əbulfəthi Kərbəlayı Nuhəli oğlu «Laçın» (1975)

Mən Əli Əbulfəthi Kərbəlayı Nuhəli oğlu «Laçın» - 1975-ci il sentyabrın 7-də Azərbaycanın Həştrud şəhərinin «Heştəri mahalının» Ağçəkəndi kəndində dünyaya göz açmışam.
Öz kəndimdə boya başa çatmışam.
Orda müqəddəratı oxuqlar oxuyandan sonra hüquq riştəsinda ali oxuqlar davam etmişəm.
İndisə Tehranda yaşayıram.
2012-ci ildən şeir yazmağa başlamışam.
Yaşasın mənım elim, sağ olsun dilim!

Hörmətlə,
Əli Əbulfəthi Laçın,
Tehran.

من علی ابوالفتحی کربلائی نوحعلی اوغلی ( لاچین ) 1975 م مین دوقوز یوز تمیش بئشیمچی ایلین سپتامبر آینین یدیسینده آذربایجانین هشترود شهرینین (هئشتری ماحلیندا) آغچه کندی کندینده دونیا گوز آچمیشام

اوز کندیمده بویا باشا چاتمیشام اوردا مقدماتی اوخوقلار اوخویانان سورا حقوق رشته سینده عالی اوخوقلارا دوام اتمیشم ایندی سه تهراندا یاشیرام

دوخسان بیرایمجی ایلده 2012 ایکی مین اون ایکی مچی ایلده شعر یازماخا باشلامیشام یاشاسین منیم ائلیم. ساغ قالیسن دیلیم

حورمتله علی ابوالفتحی لاچین تهران



GÖRÜM

Yola şəkilin qoy fəxrilə camalın görüm,
Söz-söhbətin aç başını, kamalın görüm.

Şurilə edim nəzər hilal qaş bənizə
Ayrılığa tablaşmayan əhvalın görüm.

Etmə məyus həsrətində yanmış urəyi
Varmi göstər yer üzündə misalın görüm.

Məni,məndən aldın yalnız saldın çöllərə
Boynumdaki zəncirə bax vusalın görüm.

Laçın"ları çən bürümüş görünmür Qartal,
Yazbır məni qolbağına mahalın görüm.

Əli Əbulfəti Laçın


گوروم

یولا شکلین قوی فخریله جامالین گوروم
سوز، صوحبتین آچ باشینی، کامالین گوروم

شوریله ائدیم نظر هیلال قاش بنیزه
آیریلیغا تابلاشمایان احوالین گوروم

ائتمه معیوس حسرتینده یانمیش اوریی
وارمی کوستر یئر اوزونده میسالین گوروم

منی، مندن آلدین یالنیز سالدین چوللره
بوینومداکی زنجیره باخ ووصالین گوروم

«یالچین»لاری چن بوروموش گورونمور قارتال
یازدیر منی قول باغینا ماحالین گوروم

علی ابولفتی لاچین تهران



QATAR

Türk oğluyam əziz qardaş göz yaşımda cana bax,
Qəm, kərin ocbatında ürəyimdə qana bax.
Qatar kimi zülm əlilə alavlani ürəyim
Yandı bacı yanı qardaş boğulmuş ol dana bax.

Od diyari yasa batdı söndü yanan çırağlar
Göylər dilə gəldi diyə nalə çəkdi ocağlar,
Dərdi başa düşdü deyim dinnmədi oyağlar
Yersiz, yerə qızıl qanı xirman olub sona bax.

Yaramazlar covlan edib bizi, bizdən ayırdı,
Əsli kökü atəş olan yurdu közdən ayırdı,
Laçın"əyri başçı oldu düzü, düzdən ayırdı
Qatar yandı görmədim yaz yadlar kimi yana bax.

Əli Əbulfəthi Laçın


قاطار

تورک اوغلویام عزیز قارداش گوز یاشیمدا جانا باخ
قم کدرین اوجباتیندان اورییمده قانا باخ
قاطار کیمی ظولم الیله آلاولاندی اورییم
یاندی باجی یاندی قارداش بوغولموش اول دانا باخ

اود دییاری یاسا باتدی سوندو یانان چیراغلار
گویلر دیله گلدی دییه ناله چکدی اوجاغلار
دردی باشا دوشدو دئییم دیننمه دی اویاغلار
یئرسیز یئره قیزیل قانی خیرمان اولوب سونا باخ

یارامازلار جولان ائد یب بیزی بیزدن آییردی
اصلی کوکو آتش اولان یوردو کوزدن آییردی
«لاچین»ایری باشچی اولدو دوزو دوزدن آییری
قاطار یاندی گورمه دیم یاز یادلار کیمی یانا باخ

علی ابوالفتحی لاچین تهران


BİR AN DİNCƏLİM

Gəl yersiz çırpınma, day bəsdi ürək,
Sinəmi yaran kəs na kəsdi ürək
Sərhəd pozan şanlı bir səsdi ürək
Mənsiz getmə dayan qoy məndə gəlim,
Yapış əllərimdən bir an dincəlim.

Bulud-bulud edər düşmanlar səni,
Tapdayıb talayar doğma vətəni,
Əridər şam sayaq həsrətin məni
Çatlar dodağlarım lal olar dilim,
Yapış əllərimdən bir an dincəlim.

Yatmısan yuxuda bir anlıq oyan
"Laçın"sız dünyadan aparma dayan,
Birləşdirər bizi canlı gülüstan
Qara dağ, qara bağ muqəddəs elim
Yapış əllərimdən bir an dincəlim.

Əli Əbulfəthi Laçın

بیر آن دینجلیم

گل یئرسیز چیرپینما دای بسدی اورک
سینه می یاران کس ناکسدی اورک
سرحد پوزان شانلی بیر سسدی اورک
منسیز گئتمه دایان قوی منده گلیم
اللریمدن یاپیش بیرآن دینجلیم

بولوم بولوم ائدر دوشمانلار سنی
تاپداییب تالایار دوغما وطنی
اریدر شام سایاق حسرتین منی
چاتلار دوداقلاریم لال اولار دیلیم
یاپیش اللریمدن بیر آن دینجلیم

یاتمیسان یوخودان بیر آنلیق اویان
«لاچین» سیز دونیادان آپارما دایان
بیرلشدیره ر بیزی جانلی گولوستان
«قاراداغ»«قاراباغ» موقددس ائلیم
یاپیش اللریمدن بیر آن دینجلیم

علی ابوالفتحی لاچین تهران

ZiM.Az

.