ELNURƏ AĞAZADƏnin YENİ ŞEİRLƏRİ

ŞƏHİDLƏRƏ AĞLAMAYIN

Vətəni ana bildilər,
Ölümü şərəf seçdilər
Bayrağına büründülər,
Şəhidlərə ağlamayın

Layla ilə böyüdülər ,
Ağı deyib oxşamayın
Vətən marşını sevdilər,
Şəhidlərə ağlamayın

Ölməz diriykən cəsədi ,
Adına yazdı tarixi
Ruhu dolaşır vətəni ,
Şəhidlərə ağlamıyın

Behişdir onun yeri ,
Sevinməsin düşməni
Behiştin nişanəsi,
Şəhidlərə ağlamayın

Torpağıma axan qanı,
Müqəddəs zyarətim
Məni qoruyacaq səddim ,
Şəhidlərə ağlamayın

Elnurəyəm məzarları ,
Qürur yerim and yerimdir
Qurban gedən igidimdir,
Şəhidlərə ağlamayın



ƏSGƏRƏM

Yağsın güllələr kinin zəhərdir,
Düşmən hiylən tələ ömrün hədərdir
Odlar yurdundayam igidəm ərəm,
Vətən keşiyində məğrur əsgərəm

Qədimdir tarixim uluam türkəm ,
Sənin məzarını qazan səngərəm
Babam Koroğlutək məndə bir ərəm ,
Mübarizəm mərdəm cəsur əsgərəm

Muğam torpağıma qarışan mayam,
Şeir qəzəldir beşikdə laylam,
Vətəndir laylamı çaldığım anam,
Anamın fəxriyəm dönməz əsgərəm

Elimə yurduma göz dikən sənsən,
İzsizsən ,tarixsiz qəlbi xainsən
Qarşında dağam mən yurda gərəyəm,
Elimi bəzəyən qorxmaz əsgərəm

Canımla qoruyum mən vətənimi,
Qoy güllən dəlsin cavan qəlbimi
Əgər layiqəmsə qurban şəhidəm,
Vətənim uğrunda ölən əsgərəm

Elnurə şairdir sözü qılıncdır,
Hər sözü hədəfə dəyəcək oxdur
Aslanın erkəyi dişisi yoxdur,
Silahı hədəfə dəyən əsgərəm.

Halaldr elimin halal mayası ,
Tanışdır mənə hər bir qayası
Alınmaz qalayam tarixəm izəm,
Ruhum yurda bağlı ölməz əsgərəm!..


.