"Gürcüstanda Azərbaycanlı Müəllimlər İttifaqı"nın sədri Marneulinin yeni İcra başçısı ilə görüşüb

"Gürcüstanda Azərbaycanlı Müəllimlər İttifaqı"nın sədri Səadət Zeynalqızı Gürcüstan dövləti müstəqillik qazandıqdan sonra ilk dəfə azərbaycanlı İcra başçısı seçilən Temur Abazovla görüşüb.

ZiM.Az-ın Gürcüstandakı xüsusi müxbiri xəbər verir ki, görüş zamanı GAMİ-nin sədri Səadət Zeynalqızı cənab Temur Abazovu seçkilərdə qələbə qazanması münasibətilə ürəkdən təbrik edib. Ona yeni işində uğurlar arzulayıb.

Səadət Zeynalqızı həmçinin Temur Abazova təşkilatın bu günə qədər gördüyü işlər və eləcə də gələcək planlar barədə də ətraflı məlumat verib.

Söhbət zamanı Marneuli rayonunun yeni seçilmiş İcra başçısı cənab Temur Abazov GAMİ-nin həyata keçirdiyi layihələri və gördüyü işləri yüksək qiymətləndirib.

ZiM.Az


.