Azərbaycanlı uşaq yazıçısı Aygün Bünyadzadə “Beynəlxalq Təbəssüm Ordeninə” layiq görülmüşdür Mədəniyyət, Avropa, Diaspora 15 Mart 11 mart 2016-cı ildə, Polşada, Azərbaycanlı uşaq yazıçısı Aygün Bünyadzadəyə, Polşada təsis olunmuş və BMT tərəfindən təsdiq olunmuş Beynəlxalq Təbəssüm Ordeninin təqdim olunma mərasimi keçirilmişdir.Mədəniyyət və Turizm Nazirliyinin dəstəyi ilə baş tutmuş bu səfərdə, yazıçımıza “Uşaqlar qarşısında xidmətlər üçün” Beynəlxalq Təbəssüm Ordeni təqdim edilmişdir.Mıslovitsa şəhərində baş tutmuş tədbirdə Azərbaycan tərəfindən Azərbaycanın Polşadakı səfirliyinin nümayəndəsi Elnarə Məmmədova da iştirak etmişdir.Beynəlxalq Təbəssüm Ordeninin təşkilar komitəsinin sədri, eyni zamanda, beynəlxalq uşaq hüquqları üzrə Avropanın baş ombusdmanı Marek Mixalak Ordeni Aygün Bünyadzadəyə təqdim etmişdir. Təqdimatın ən maraqlı anlarından biri o idi ki, mükafat almış şəxs uşaqların onun üçün bir qədəhə sıxdıqları bir neçə limonun suyunu birnəfəsə içməli, içdikdən sonra isə yenə də öz təbəssümünü saxlamalı idi. Bu isə, “həyatın ən çətin anlarında belə, körpə balaların çöhrələrinə təbəssüm bəxş etməyə özümdə qüvvə tapacağam” mənasını verir. Aygün Bünyadzadə bu sınağın da öhdəsindən uğurla gəldikdən sonra, uşaqların və tədbirdə iştirak edən qonaqların : Polşa seyminin üzvlərinin, Mıslovitsa şəhərinin merinin və digərlərinin qarşısında Orden ona təqdim edilmiş və yazıçımız “Təbəssüm Ordeni kavaleri (cəngavəri)” fəxri adını qazanmışdır.Mıslovitsa şəhəri 3 saylı ibtidai məktəbdə keçirilən tədbirdə, Polşa Respublikasının Prezidenti Andjey Dudanın da tədbir iştirakçılarına təbrik məktubu oxundu.1968-ci ildə Polşada təsis edilmiş, uşaqlar tərəfindən böyüklərə (onların göstərdiyi mehribanlığa, dostluğa və səbrə görə millətindən, dinindən, yaşadığı yerdən, rəngindən asılı olmayaraq) verilən “Təbəssüm Ordeni”nə bu günə qədər Bill Klinton, Marqaret Tetçer, XIV Dalay Lama, II Papa İohann Pavel, Tereza Ana, İsveç kraliçası xanım Silviya, Stiven Spilberq, Nelson Mandela, Vyaçeslav Kotyonoçkin, Sergey Obraztsov, Peter Ustinov, Astrid Lindqren, Aqniya Barto, Tuve Yansson, Coan Roulinq, Sergey Mixalkov, azərbaycanlı aktyor Ələkbər Hüseynov və başqa çoxsaylı ictimai, siyasi və ədəbiyyat xadimləri layiq görülmüşlər.Xatırladaq ki, Aygün Bünyadzadə, bütün Şərq dünyasında bu mükafata layiq görülən ilk xanım yazardır.Mükafat BMT Baş katibinin qərarı ilə 1979-cu ildən beynəlxalq status daşıyır.İstedadlı yazıçımız Aygün xanımı biz də ürəkdən təbrik edir və ona yeni-yeni uğurlar arzulayırıq!..Müşfiq BORÇALI.. Muəllif huquqları qorunur. Məlumatdan istifadə etdikdə istinad mutləqdir.