AzTU-da tanınmış şəxslər tələbələrə həyat hekayələrindən bəhs ediblər

2019-cu il noyabrın 13-də Azərbaycan Texniki Universitetində (AzTU)
Tələbə Gənclər
Təşkilatının təşkilatçılığı ilə
“Arximed 19”
layihəsi çərçivəsində
“Axına qarşı” mövzusunda
seminar keçirilib.

AzTU-dan ZiM.Az-a
bildiriblər ki,
tədbiri giriş sözü ilə
universitetin rektoru, professor Vilayət Vəliyev açaraq, iştirakçıları salamlayıb, tələbələrə
təhsildə və ictimai fəaliyyətlərində
uğurlar arzulayıb.

AzTU-nun tərbiyə işləri üzrə prorektoru, professor
İsa Xəlilov bildirib ki,
“Axına qarşı” mövzusunda keçirilən seminarın əsas məqsədi gənclərin həyatda qazandıqları uğurların dəyərləndirilməsidir.

Tədbirdə
fəaliyyət sahələrində
uğur qazanmış
tanınmış şəxslər -
Aytən Səfərova,
Nəsimi Paşayev,
Cəlalə Nəzəroğlu,
Orxan Şahbaz və
Vüqar Zifəroğlu
öz təcrübələrini
bölüşüb, həyat
hekayələrindən
bəhs ediblər.

Tədbirin sonunda
layihə rəhbərləri
və spikerlərə
sertifikatlar
təqdim olunub.

ZiM.Az


.