Müşfiq Borçalının Avropanın nüfuzlu jurnalında elmi məqaləsi çap olunub

TƏBRİK EDİRİK!..

AzTU-nun “Ziya” qəzetinin, "ZiM.Az", "Ziya.info.Az" və "Elm.İnfo.Az" saytlarının baş redaktoru, AYB-nin, AJB-nin və Turan Yazarlar Birliyinin üzvü, filologiya üzrə fəlsəfə doktoru, Prezident təqaüdçüsü Müşfiq Borçalının Mərkəzi Avropada - Macarıstanın paytaxti Budapeşt şəhərində nəşr olunan nüfuzlu - İnpakt faktorlu - "Copernicus" indeksli "THE SCİENTFİC HERİTAGE" ("ELMİ İRS") elmi jurnalının 162-ci (2025) sayında "Contemporary Azerbaijani-Georgian literary relations: Elizbar Javelidze and Isa Habibbeyli" ("Çağdaş Azərbaycan-Gürcü ədəbi əlaqələri: Elizbar Cavelidze və İsa Həbibbəyli") adlı daha bir elmi məqaləsi işiqüzü görüb.



Məqalədə Azərbaycan-gürcü ədəbi əlaqələrinin çağdaş dövrü araşdırılır.
Azərbaycan və gürcü ədəbi əlaqələri bədii düşüncə ilə yanaşı, elm sahəsində də həmişə paralel olaraq inkişaf etmişdir. Ötən əsrin 80-ci illərində elmi müstəvidə ən yaxşı dövrünü yaşayan Leyla Eradze - Dilarə Əliyeva elmi tandemi müstəqillik dövründə də davam etmişdir. Lakin bu əlaqələr inersiya ilə deyil, ayrı-ayrı şəxsiyyətlərin yaradıcılığı ilə mümkün olur. Belə demək mümkün olarsa, ədəbi əlaqələri və mühiti şəxsiyyətlər formalaşdırır və inklişaf etdirir.
Bu mənada, yeni mərhələdə Azərbaycan və gürcü ədəbi mühiti görkəmli ədəbiyyatşünas alimlər İsa həbibbəyli və Elizbar Cavelidze kontekstində formalaşmışdır.
Məhz bu tanışlıq və ədəbi əalqələr kontekstində akademik E.Cavelidzenin bir neçə monoqrafiyası Azərbaycanda nəşr olunub.
Akademik İsa Həbibbəylinin elmi fəaliyyətinin böyük bir hissəsi yaradıcılığı Tiflis ədəbi mühitində formalaşan və inkişaf edən Cəlil Məmmədquluzadənin yaradıcılığına həsr olunmuşdur. Onun elmi araşdırmalarında olduğu kimi, faəliyyətində də qardaş Gürcüstan faktoru əsas rol oynamışdır.
C.Məmmədquluzadənin yaradıcılığı ilə bağlı araşdırmalarında Gürcüstan mövzusu mərkəzi xətt kimi keçir. Bu, təkcə ədibin Tiflisin arxivlərindən əldə edilən tərcümeyi-hal materiallarında, fakt və sənədlərdə deyil, həm də bu mühit kontekstində düşünməsi və hərəkət etməsi baxımından əhəmiyyətli idi.

Bir sözlə, Azərbaycan və Gürcüstan dostluğunun, qardaşlığının inkişafında akademik İsa Həbibbəyli - akademik Elizbar Cavelidze elmi tandemi hər iki xalqın ədəbiyyatşünaslığının inkişafını gələcəkdə şərtləndirən amillərdəndir. Elə buna görə də, iki dost və qonşu xalq arasında elmi inkişafın təşviq edilməsində oynadığı rola görə akademik Elizbar Cavelidze 1989-cu ildə Azərbaycan Respublikası Ali Sovetinin fərmanı ilə Azərbaycanın Əməkdar mədəniyyət işçisi” fəxri adına layiq görülmüş, akademik İsa Həbibbəyli isə Gürcüstan Milli Elmlər Akademiyasının 10 iyul 2024-cü il tarixli qərarı ilə Gürcüstan Milli Elmlər Akademiyasının xarici üzvü seçilmişdir.

Bu Azərbaycan dövlətinin qardaş gürcü elminə, eləcə də qardaş Gürcüstanın Azərbaycan elminə verdiyi yüksək qiymətin ifadəsidir.

Biz də həmkarımızı təbrik edir və yeni-yeni uğurlar arzulayırıq!..



https://www.scientific-heritage.com/wp-content/uploads/2025/06/The-scientific-heritage-No-162-162-2025.pdf?fbclid=IwY2xjawK72ftleHRuA2FlbQIxMABicmlkETFsQ0VESHJaRDU0T1JwY2JpAR5ValS2RWoALq2Tz-IitBic9y8CwqFOBjlCtUTBC8yXIZ8BBMm33H6A_EXf-Q_aem_kAt6A7mKdzSJu-H7DgOKNg

səhifə 48-52.


ZiM.Az


.