Qafqaz Hüquq və İnteqrasiya Mərkəzində İlin Yekunlarına həsr olunmuş tədbir keçirilib

Gürcüstanda soydaşlarımızın kompakt halda yaşadıqları Bolnisi bələdiyyəsində fəaliyyət göstərən Qafqaz Hüquq və İnteqrasiya Mərkəzində 2024-2025-ci tədris ilinin yekunlarına həsr olunmuş təntənəli tədbir keçirilib.




Tədbirdə Qafqaz Hüquq və İnteqrasiya Mərkəzinin müdavimlərinə və Gənclər və Təhsil Mərkəzinin nəzdində fəaliyyət göstərən İmirhəsən və Kəpənəkçi icma mərkəzlərinin 200-ə yaxın müdaviminə müxtəlif göstəricilər əsasında sertifikatlar təqdim olunub.



Tədbirin açılışında hər iki mərkəzin rəhbəri Rezo Həsənov çıxış edərək, il ərzində həyata keçirilən hüquqi maarifləndirmə və təhsil layihələri barədə məlumat verib, gələcək planlardan danışıb.






ZiM.Az Regionpress.ge-yə əsasən xəbər verir ki, tədbirdə Gürcüstanın sabiq deputatı Ramiz Bəkirov, “Soydaş” İctimai Birliyinin sədri Kamran Ramazanlı, müəllimlər Fatma Əliyeva, Çingiz Yaqubov, tarixçi Fariz Bayramov və Kəpənəkçi ictimai məktəbinin musiqi müəllimi Levan Kukchişvili çıxış edərək gənclərin inkişafına verilən töhfəni yüksək qiymətləndiriblər.

Mərkəzdə tədris olunan Azərbaycan, Gürcü və İngilis dili fənləri üzrə fərqlənən tələbələrə sertifikatlar, müəllimlərə isə təşəkkür plaketləri təqdim olunub.




Mükafat alan müəllimlər arasında Fatma Əliyeva, Alidə Məmmədəlizadə və Rəksanə Şıxıyeva və Hüquq məsləhətçisi Əmrah İbrahimov yer alıb.






Bununla yanaşı, “Soydaş” İctimai Birliyinin təşəbbüsü ilə hər bir fənn üzrə ən fəal müdavimlərə xüsusi hədiyyələr təqdim olunub.



Tədbirin bədii hissəsində Həsənxocalı İctimai Məktəbinin şagirdləri rəqs və şeir nümunələri ilə çıxış ediblər.



Eyni zamanda, Yuxarı Oruzman kəndindən olan rəssam Qəşəm Süleymanovun, həvaskar gənc rəssamlar Rəvan Nəbiyevin və Leyla Nəbiyevanın əl işləri nümayiş olunub.






Tədbir çərçivəsində Elza Süleymanova, Gülay Cəlilova və digər gənclərin hazırladığı əl işləri də sərgilənib.




Təşkilatçılar sərgi iştirakçılarına göstərdikləri əmək və dəstəyə görə təşəkkür ediblər.

ZiM.Az





.



.