Vahid Ömərovun 70 yaşı tamam olur

TƏBRİK EDİRİK!..

Bu günlərdə dəyərli ziyalımız, sevimli soydaçımız, tanınmıç filosof-alim və ictimai xadim, Azərbaycan Milli Elmlər Akademiyasının Fəlsəfə və Sosiologiya İnstitutunun Enerji təhlükəsizliyi və gürcüstanşünaslıq şöbəsinin aparıçı elmi işçisi, fəlsəfə üzrə fəlsəfə doktoru, dosent Vahid Ömərovun 70 yaşı tamam olur.

Vahid Allaverdi oğlu Ömərov - 1955-ci ildə qədim Qarayazı elində, indiki Gürcüstanın Qardabani rayonundakı Kosalı kəndində dünyaya göz açmışdır.
1972--1977-ci illərdə Bakı Dövlət Universitetinin filologiya fakültəsində təhsil almışdır.
Ali məktəbi bitirdikdən sonra əmək fəaliyyətini 1979-cü ildən Azərbaycan Milli Elmlər Akademiyasının Fəlsəfə İnstitutnun müxtəlif şöbələrində baş laborant, kiçik elmi işçi, böyük elmi işçi, aparıçı elmi işçi vəzifələrində davam etdirmişdir.
1985-1989-cu illərdə həmin İnstitutun aspiranturasında Etika ixtisası üzrə təhsil almışdır.
1989-cu ildə “Əxlaqi ideal və onun Azərbaycan folklorunda təcəssümü” mövzusunda dissertasiya müdafiə edərək fəlsəfə üzrə fəlsəfə doktoru elmi dərəcəsini, bir müddət sonra isə dosent elmi adını almışdır.
AMEA-nın akad. Ziya Bünyadov adına Şərqşünaslıq İnstitutunun siyasi elmlər üzrə elmlər doktorluğu hazırlığı üzrə (5901.01 - Beynəlxalq münasibətlər) dissertanturaya qəbul edilmişdir. “ABŞ-ın Gürcüstan siyasəti: formalaşması, mövcud vəziyyəti və perspektivləri” mövzusunda dissertasiya işi AMEA-nın akad. Ziya Bünyadov adına Şərqşünaslıq İnstitutunun Elmi Şurası tərəfindən təsdiq edilmişdir.
2016-2024-cü illərdə AMEA Qafqazşünaslıq İnstitutunun Gürcüstanşünaslıq və Şimali Qafqaz şöbələrinin müdiri vəzifələrində çalışmışdır.
Hazırda fəaliyyətini Azərbaycan Milli Elmlər Akademiyasının Fəlsəfə və Sosiologiya İnstitutunun Enerji təhlükəsizliyi və gürcüstanşünaslıq şöbəsində aparıçı elmi işçi vəzifəsində davam etdirir.
100-dən çox elmi, 500 elmi-publisistik məqalənin, 15 monoqrafiyanının müəllifidir.

Biz də redaksiya heyətimiz adından, xalqımızın dəyərli ziyalısı, sevimli soydaşımız, tanınmış filosof-alim və çox hörmətli ictimai xadim, Azərbaycan Milli Elmlər Akademiyasının Fəlsəfə və Sosiologiya İnstitutunun Enerji təhlükəsizliyi və gürcüstanşünaslıq şöbəsinin aparıçı elmi işçisi, fəlsəfə üzrə fəlsəfə doktoru, dosent Vahid Ömərovu anadan olmasının 70 illik yubileyi münasibətlə ürəkdən təbrik edir, ona uzun ömür, möhkəm cansağlığı, şərəfli elmi-pedaqoji və ictimai-siyasi fəaliyyətində yeni-yeni uğurlar arzulayırıq!..

Müşfiq BORÇALI,
Azərbaycan Texniki Universiteti
“Ziya” qəzetinin, ZiM.Az, Ziya.info.az
və Elm.info.az saytlarının baş redaktoru,
AYB-nin, AJB-nin və
“Turan” Yazarlar Birliyinin üzvü,
Filologiya üzrə fəlsəfə doktoru,
Prezident təqaüdçüsü,
"Abdulla Şaiq", "Nəriman Nərimanov",
"Həsənbəy Zərdabi, "Ömər Faiq Nemanzadə",
"Qızıl qələm", Zirvə" və "Zəfər"
mükafatları laureatı

ZiM.Az
elm.info.az


.