Salidə Şərifova AYB-nin Fəxri diplomu ilə təltif olunub Humanitar elmlər, Təbriklər 5 ноября 2025 4274 100 1 2 3 4 5 TƏBRİK EDİRİK!..2025-ci il noyabrın 5-də Azərbaycan İstiqlal Muzeyində Salidə Şərifovanın “Müstəqillik dövrü Azərbaycan ədəbiyyatında Qarabağ mövzusunu əks etdirən əsərlərin janr xüsusiyyətləri, problematikası, obrazları və bədii dili” adlı kitabının təqdimat mərasimi keçirilib. Ədəbiyyat nəzəriyyəçisi, ədəbiyyatşünas, yazıçı, filologiya elmləri doktoru, AMEA-nın professoru, Rusiya Təbiət Elmləri Akademiyasının həqiqi üzvü, “ZİYA” İnformasiya Mərkəzinin – "zim.az"saytının redaktoru, Azərbaycan Yazıçılar Birliyinin üzvü, “Qızıl qələm” və “Rəsul Rza” mükafatları laureatı Salidə Şərifova “Azərbaycan ədəbiyyatının inkişafında xidmətlərinə görə” Azərbaycanın Xalq yazıçısı Anar müəllimin imzası ilə Azərbaycan Yazıçılar Birliyinin Fəxri diplomu ilə təltif olunub. Fəxri diplomu Azərbaycan Yazıçılar Birliyinin İdarə Heyətinin üzvü, Azərbaycan Yazıçılar Birliyinin Yazıçı Qadınlar Şurasının sədri yazıçı, ədəbiyyatşünas, filologiya üzrə elmlər doktoru, dosent Gülxani Pənah təqdim edib. Ö, öz çıxışında Salidə Şərifovanın bir ədəbiyyatşünas, bir alim kimi xarakterizə olunmasına rəğmən, həm də bir gözəl yazıçı olmasını vurğulayıb. Gülxani Pənah Salidə Şərifovanın yaradıcılığına “Əriyən şam” hekayələr toplusu ilə qədəm qoymasına, həmçinin də elmi və bədii yaradıcılıqla məşğul olmaq ənənəsini müvəfəqqiyyətlə həyata keçirməsinə də xüsusi olaraq toxunub. Daha sonra təqdim edilən kitabın elmi əhəmiyyətini, müəllifin təqdim edilən monoqrafik tədqiqatın böyük dəyər alacağına da əminliyini ifadə edib. Biz də Redaksiya Heyətimiz adından sevimli həmkarımız - “ZİYA” İnformasiya Mərkəzinin – "zim.az" saytının redaktoru, çağdaş ədəbiyyatşünaslığın tanınmış simalarından biri, Azərbaycan Milli Elmlər Akademiyası (AMEA) Nizami Gəncəvi adına Ədəbiyyat İnstitutunun Müstəqillik dövrü Azərbaycan ədəbiyyatı şöbəsinin baş elmi işçisi, Rusiya Təbiət Elmləri Akademiyasının həqiqi üzvü, AMEA-nın professoru, filologiya elmləri doktoru, Azərbaycan Yazıçılar Birliyinin üzvü, “Qızıl qələm”, “Rəsul Rza” mükafatlarının, Rusiya Yazıçılar Birliyinin M.A.Şoloxov və Q.R.Derjavin adına ordenlərinin, həmçinin bir sıra beynəlxalq mükafatların laureatı, Azərbaycan Milli Elmlər Akademiyasının “İstinadda rekord” (2024) mükafatı laureatı, Azərbaycan Respublikasının Prezident təqaüdçüsü (2016–2017) SALİDƏ ŞƏRİFOVAnı “Müstəqillik dövrü Azərbaycan ədəbiyyatında Qarabağ mövzusunu əks etdirən əsərlərin janr xüsusiyyətləri, problematikası, obrazları və bədii dili” adlı kitabının təqdimat mərasiminin yüksək səviyyədə keçirilməsi və onun “Azərbaycan ədəbiyyatının inkişafında xidmətlərinə görə” Azərbaycanın Xalq yazıçısı Anar müəllimin imzası ilə Azərbaycan Yazıçılar Birliyinin Fəxri diplomu ilə təltif olunması münasibətilə ürəkdən təbrik edir və ona elmi-bədii yaradıcılığında yeni-yeni uğurlar arzulayırıq!..Müşfiq BORÇALI,ZiM.Az. Muəllif huquqları qorunur. Məlumatdan istifadə etdikdə istinad mutləqdir.