Təbrik edirik, hörmətli Dursun müəllim!.. Gürcüstan, Tiflis, Borçalı, Təbriklər, Diaspora 22 Aralık Azərbaycan Rspublikasının Prezidenti cənab İlham Əliyevin sərəncamına əsasən Dursun müəllim Həsənov Azərbaycan Respublikasının Gürcüstandakı Fövqəladə və Səlahiyyətli Səfiri təyin olunub. Çox sevindirici xəbərdir!.. Dursun müəllim son illərdə Azərbaycan Respublikasının Gürcüstandakı səfirliyində çalışdığı qısa zaman ərzində çox mühüm addımlar atıb, tədbirlər keçirib və hər zaman bizimlə görüşlərdə biz gənclərin fikirlərinə dəstək olub. Əslən Gürcüstanlı olduğuna görə ölkəmizi yaxşı tanıyır. Əminik ki, səfir olaraq da, fəaliyyəti uğurlu olacaqdır, iki ölkə əlaqələrinin daha da inkişafı istiqamətində Azərbaycan dövlətinin yürütdüyü uğurlu yolu burada uğurla təmsil edib bu istiqamətdə mühüm işlər görəcəkdir. Təbrik edirik, hörmətli Dursun müəllim!.. Hər iki ölkə üçün uğurlu olsun!..Nərgiz ƏLİYEVA,Azərbaycanlıların Mədəniyyət Mərkəzi (AMM) Mətbuat xidmətinin rəhbəri,AMM-Gənclər şöbəsinin müdiri.REDAKSİYADAN:Biz də hörmətli Nərgiz xanımın səmimi təbrikinə və xoş arzularına qoşularaq, dəyərli soydaşımız, Azərbaycan Respublikasının Gürcüstandakı səfirinin müavini, ikinci dərəcəli fövqəladə və səlahiyyətli elçi diplomatik rütbəsinin ləyaqətli daşıyıcısı, çox hörmətli Dursun Ayvaz oğlu Həsənovu Azərbaycan Respublikası Prezidenti İlham Əliyevin Sərəncamı ilə Azərbaycan Respublikasının Gürcüstanda fövqəladə və səlahiyyətli səfiri təyin edilməsi münasibətilə ürəkdən təbrik edir və ona şərəfli fəaliyyətində yeni-yeni uğurlar arzulayırıq!.. Müşfiq BORÇALI,ZiM.Az. Muəllif huquqları qorunur. Məlumatdan istifadə etdikdə istinad mutləqdir.