Şair Kazım Qaçağanlı vəfat edib

ZiM.Az xəbər verir ki, mərhum şair Kazım Qaçağanlı
28 mart 2017-ci ildə öz vəsiyyətinə əsasən doğulub
boya-başa çatdığı qədim Borçalı mahalında -
indiki Gürcüstanın Marneuli rayonundakı
Qaçağan kəndində torpağa tapşırılıb.

Biz də "Borçalı" İctimai Birliyinin İdarə heyəti
və "ZiM.Az" - "ZİRVƏ" İnformasiya Mərkəzinin
Yaradıcı Heyəti adından
Borçalının və Borçalılıların problemlərinin həllində
öz köməyini heç zaman əsirgəməyən
tanınmış el ağsaqqalı, dəyərli ziyalımız və
hörmətli eloğlumuz Kazım Qaçağanlının
vəfatından kədərləndiyimizi bildirir, onun ailəsinə,
yaxınlarına və doğmalarına dərin hüznlə
başsağlığı veririk.

Dostların nəzərinə onu da çatdırırıq ki,
mərhumun 3 mərasimi 31 mart 2017-ci ildə,
7 mərasimi isə 3 aprel 2017-ci ildə
Qaçağan kəndində keçiriləcək.

Yaxın günlərdə Kazım Qaçağanlının
əziz xatirəsinə Bakı şəhərində
Cümə axşamı mərasimi təşkil olunacaq.

Bu barədə əlavə məlumat verəcəyik.

Allah rəhmət eləsin!..
Ruhu şad olsun!..


Müşfiq BORÇALI,
"Borçalı" İctimai Birliyinin Sədr müavini,
"ZiM.Az" - "ZİRVƏ" İnformasiya Mərkəzinin
Baş redaktoru

.

Diqqət !.. E L A N!..

2017-ci il aprelin 9-da
saat 11-də qadınlar üçün,
saat 14-də kişilər isə üçün
Bakıda Odlar Yurdu
Universitetinin yanında
"Abu Arena" ilə üzbəüz
binanın həyətində
mərhum şair-jurnalist,
polis polkovnik-leytenantı
Kazım Qaçağanlının
xatirəsinə ehsan veriləcək.

Bütün dostları - tanışları dəvət edirik.


.