Doğum gününüz mübarək, hörmətli HÜSEYN YUSUBOV!.. Borçalı, Təbriklər 1 Nisan TƏBRİK EDİRİK!.. Bu gün Gürcüstanda şərəflə yaşayan olduqca dəyərli ziyalılarımızdan biri, Gürcüstan Azərbaycanlıları Konqresinin sədri, vaxtı ilə Marneuli rayon bələdiyyəsinin sədri, Kvemo-Kartli (Borçalı) bölgə qubernatorunun müavini və Gürcüstan Respublikasının energetika nazirinin müavini vəzifələrində ləyaqətlə çalışmış çox hörmətli soydaşımız Hüseyn Yusif oğlu Yusubovun doğum günüdür.* * *Xatırladırıq ki, Hüseyn Yusubov 1964-cü il aprelin 1-də qədim Borçalı mahalında, indiki Gürcüstanın Marneuli rayonundakı Böyük Muğanlı kəndində ziyalı ailəsində - Gürcüstanın tanınmış el ağsaqqalı, "Şərəf" ordenli maarif xadimi Yusif Yusiflinin ocağında dünyaya göz açıb. Azərbaycan Kənd Təsərrüfatı Akademiyasını bitirib. İxtisasca alim-zootexnikdir. Bir müddət ixtisası üzrə çalışdıqdan sonra Kürdlər kənd sovetinin sədri, sonra Marneuli rayon bələdiyyəsinin sədri vəzifələrinə seçilib.Sonra azərbaycanlıların kompakt yaşadığı Kvemo-Kartli (Borçalı) bölgə qubernatorunun müavini vəzifəsində işləyib.Hüseyn Yusubov 7 avqust 2012-ci ildə isə Gürcüstan Respublikasının energetika nazirininmüavini təyin olunub. O, hazırda Gürcüstan Azərbaycanlıları Konqresinin sədridir.Hüseyn Yusubov, eyni zamanda, Gürcüstan Beynəlxalq Əlaqələr və Gürcüstan Biznes və Hüquq universitetlərinin Fəxri Doktorudur.Hüseyn Yusif oğlu Yusubov həm də gözəl ailə başçısıdır. Üç övladı var. Hər üçü ali təhsillidir.Biz də ZiM.Az-ın bütün yaradıcı heyəti adından Gürcüstan Azərbaycanlıları Konqresinin sədri, çox hörmətli soydaşımız Hüseyn Yusubovu doğum günü münasibətilə ürəkdən təbrik edir, ona uzun ömür, möhkəm cansağlığı, şəxsi həyatında və ictimai fəaliyyətində yeni-yeni uğurlar arzulayırıq!..Müşfiq BORÇALI,ZiM.Az. Muəllif huquqları qorunur. Məlumatdan istifadə etdikdə istinad mutləqdir.