Qaranlığa işıq saçan müəllim ailəsi

Ancaq elm bəşəriyyəti həqiqətə, ədalətə
və xoşbəxtliyə apara bilər.
Emil Zolya

Elm elə bir qapıdır ki, onu açdıqdan sonra oradakı xəzinəni görmək mümkündür. Elmdə son hədd, axırıncı kəşf anlayışı yoxdur.
Elm enişli yoxuşludur. Bəzən çox çətin, bəzən də içiləcək su qədər asan gəlir insana. Elmin əhatə dairəsi hüdudsuzdur. Həmişə nə isə öyrənməyə, bildiklərimizi öyrətməyə çalışmalıyıq. Bu yolda atılan addım lap uşaq yaşlarından olmalıdır.
Təbbi ki, bu yolda bizlərin ömrümüz boyu zəhmətlərinin dəyərini, qiymətini ödəyə bilmədiyimiz müəllimlərimizin əziyyətləri böyükdür.
Müəllim öyrədəndir, hər bir peşə sahibinin bünövrəsini qoyan memar müəllimdir. Bəzən ağ saçlı müəllim görəndə düşünürəm görəm hər birimizin dilinin əzbəri olan "Müəllim" şerindəki sözlər kimi bu şərəfli peşə sahibinin minlərlə bağının bəhəri var.

Bir insandan dəfələrlə yazanda elə bilirsən ki, çümlələr təkrarlanar, sözlər eyniləşər.
Amma illərdir bu xanım haqqında qələm götürüb yazı yazanda elə bil ilk dəfə görüb və onun haqqında oxuculara ilk dəfə məlumat verirəm.

Bir müəllim ömrü. Artıq 77 yaşına çatan, həyatda ilk addımlarını atandan xeyirxah işlər arxasınca istiqamətlənən bir insan. Öz çorəyini halallıqla qazanan atası Polad bəy və anası Zəhra xanım Rənanı da zəhmətə qatlaşmağı və xeyirxah olma ruhunda tərbiyə ediblər. Onların bu zəhməti yerdə qalmayıb. Rəna xanım öz zəhməti ilə həmişə ucalıb, xeyirxahlığı ilə çoxlarına örnək ola bilər.

Ailənin yeganə övladı. Ata-ananın illərlə gözlədiyi övlad. Mükəmməl. Sözün hər mənasında, hər bir işində qüsursuz Rəna Cəbrayılova. Zəhmətkeş ailədə dünyaya göz açdı. Valideynlərin tək arzusu Rənanın oxuyub savadlı, gərəkli bir övlad olması idi. Onun üçün çox peşə seçdilər, amma sonda müəllim olmaq qərarını bu balaca qız özü verdi. Müəllim bütün insanların öz peşələrinə yiyələnməsində əməyi olur cavabını verdi valıdeynlərinə. Elə də oldu. Orta məktəbi bitirdiyi il Bakı Dövlət Universitetinə qəbul oldu. Hər yerdə fərqləndiyi kimi burdada da öz tələbə yoldaşlarının, hətta müəllimlərinin də hörmətini qazandı.

Həyat yoldaşını da müəllim seçdi. Hacı Rəna xanım müəllim ailəsi yaratdı. İllər keçdi, müəllim kimi çox şagirdlərin yoluna şam kimi işıq saçdı, eləcə də öz övladlarının. Övladlarının müəllim peşəsinə yiyələnməsində də rolu az olmadı. Öz ocağına gəlin gətirəndə belə müəllim olmağını arzuladı.

Xalqını, millətini, dövlətini çox sevir Rəna xanım. Qələbə sevincini hər kəs kimi, o da böyük fərəhlə yaşadı. Şəhid analarının dərdinə daima şərik oldu. Valideynlərinin öyrətdiyi kimi xeyirxahlıq etməyi, yaşlılara hörmət edərək imkanı daxilində qayğı göstərməkdə davam edir. Bu gün də Rəna xanım övladlarına, məktəbdəki şagirdlərinə və nəvələrinə də bunu aşılamağa çalışır.

Çalış öz xalqının işinə yara,
Geysin əməlindən dünya zər-xara.

Hacı Rəna xanım onu tanıyan hər kəs üçün dəyərlidir, əzizdir. Bu zəfər günü münasibəti ilə bu müəllim ailəsinin başda qocaman müəllimimiz professor Malik Cəbrayılov olmaqla bütün ailə üzvünü təbrik edirik. Uzun ömür arzulayırıq. Qoy bu gələcək nəsil həyat yolunda düzgün addımlamaq üçün sizdən örnək götürsün.

Ruhiyyə Göyüşqızı
elm.info.az

.