İlham Əliyev əslən Gürcüstandan olan alimləri də təltif edib Rəsmi Xəbərlər, Gürcüstan, Borçalı, Başkeçid, Bolus 25 Kasım TƏBRİK EDİRİK!.. Azərbaycan Respublikasınin Prezidenti İlham Əliyev2019-cu il noyabrın 25-də Bakı Dövlət Universitetinin 100 illiyi münasibətilə"Bakı Dövlət Universitetinin əməkdaşlarının təltif edilməsi" və "Bakı Dövlət Universitetinin əməkdaşlarına fəxri adların verilməsi" haqqındaSərəncamlar imzalayıb. ZiM.Az böyük sevinc və fərəh hissi ilə xəbər verir ki, həmin sərəncamlarda əslən Gürcüstandan olan və hazırda Bakı Dövlət Universitetində çalışan elm adamlarının adları da var: BDU-nun Beynəlxalq jurnalistika kafedrasının müdiri, professor Vəliyev Həmid Alı oğlu 3-cü dərəcəli “Əmək” ordeni ilə, Kitabşünaslıq və nəşriyyat işi kafedrasının müdiri, dosent Knyaz Aslan İlyas oğlu "Tərəqqi" medali ilə, İdarəetmə nəzəriyyəsinin riyazi üsulları kafedrasının professoru Yusubov Şakir Şıxı oğlu və Arxeologiya və Etnoqrafiya kafedrasının müdiri, dosent Məmmədov Kərəm Hətəm oğlu "Əməkdar müəllim" fəxri adı ilə təltif ediliblər.Biz də ZiM.Az-ın yaradıcı heyəti adından əslən Gürcüstandan olan elm adamlarımızı Bakı Dövlət Universitetinin 100 illiyi münasibətilə və Azərbaycanda təhsilin və elmin inkişafındakı xidmətlərinə görə Azərbaycan Respublikasınin Prezidenti İlham Əliyev tərəfindən təltif olunmaları münasibətilə ürəkdən təbrik edir və onlara daha böyük uğurlar arzulayırıq.Müşfiq BORÇALI,ZiM.Az. Muəllif huquqları qorunur. Məlumatdan istifadə etdikdə istinad mutləqdir.